Bargobearráigeahčču lea registreren 27 jápmima Norgga bargoeallimis diibmá. Jápmimat bissot historjjálaš vuollegis dásis.
Bargobearráigeahčču lea registreren 27 jápmima Norgga bargoeallimis diibmá. Jápmimat bissot historjjálaš vuollegis dásis.
Diibmá dušše 27 olbmo barggus. Vaikke lea veaháš lassáneapmi, de lea goit ge bures vuolábeale dan maŋimuš guđa jagi gaskameari.
Gaskamearálaččat dušše 36 olbmo barggus 2012 rájes 2017 rádjái. 2017 ledje 26 lihkohisvuođa main bargit dušše. Ovtta lihkohisvuođas dušše guovttis.
– 27 duššama leat 27 beare olu. Eanaš lihkohisvuođaid livčče sáhttán garvit. Sihkarvuohta ferte geardduhuvvot juohke beaivvi, lohká Bargobearráigeahču direktevra Trude Vollheim preassadieđáhusas.
Olgoriikka bargit
Guđas sis geat dušše ledje olgoriikkalaččat. Dat lea vuolimus lohku 2013 rájes. Leat seamma meari olgoriikkalaččat geat dušše go maŋemuš guhtta jagi leat leamaš.
Huksen- ja rusttetbirrasis
Huksen- ja rusttetealáhus lea okta dain váráleamos ealáhusain Norgga gáddeealáhusain. Maiddái diibmá ledje dán ealáhusas eanemus duššamat. Čiežas dušše diibmá, ja gaskamearri lea gávcci daid maŋemuš guđa jagis.
– Ain lea olu fitnodagain buoridanmurrii. Dearvvašvuođain, birrasiin ja sihkarvuođain ferte systemáhtalaččat bargat vai lihkohisvuođat eai dáhpáhuva, lohká Vollheim.
Fievrredeamis ja vurkkodeamis ledje guhtta duššama diibmá. Guokte eambbo go ovddit jagi. Buot guđa lihkohisvuođas lei vuoddji gii jámii.
Industriijas jápme viđas diibmá. Veaháš lassáneapmi guovtti maŋemuš jagis, go 2016:s ii duššan okta ge, ja guovttis dušše 2015:s.
Eai liikká olusat vuođđoealáhusain
Golmmas dušše eanandoalus, vuovdedoalus ja guolásteamis. Ná unnán eai leat leamaš vel maŋimuš guđa jagis. Gaskamearálaččat dušše guđas juohke jagi gaskal 2012 ja 2017.
Okta nissonolmmoš duššai barggus diibmá. Dat lea seamma go 2016:s. Nisu duššai veahkaválddálašvuođa dihtii. Gaskal 2012 ja 2017 dušše gaskamearálaččat guokte nissonolbmo juohke jagi.
(©NTB)
