-Almmuhus-
OĐĐASAT 27 551 olbmo gásttašuvvon diibmá

27 551 olbmo gásttašuvvon diibmá

-

-

Norgga kirku dieđiha ahte diibmá gásttašuvvo 27 551 máná. Dál čájeha Norgga kirku miellahtoregistar ahte  gástalohku ii njieja šat olus. 

Norgga kirku dieđiha preassadieđáhusas ahte gástalohku  ii njieja šat olus.  – Mii illudat go olbmot válljejit gástta ja min illudahttá maid go máŋga duháha bearraša juohke jagi gásttašit mánáideaset kirkus, lohká Kirkoráđi direktevra  Ingrid Vad Nilsen.

Son lohká ahte gásta ii leat diehttelas, ii kirkomiellahtuide ge geat ožžot máná. Dan dihtet kirku mielbargit. 

– Maŋimuš jagiid leat searvegottit vuoruhišgoahtán gulahallama váhnemiiguin ja bearrašiiguin geat galget mearridit háliidit go máná gásttašit. Miellahttoregistara loguid vuođul orru leamen dilli buorránišgoahtán boahttevaš jagiid ektui, oaivvilda  Ingrid Vad Nilsen.

Lea gásta mii addá miellahttovuođa Norgga kirkui. Jagi 2019 loahpas gulai 3 679 850 olbmo, namalassii 68,6 proseantta álbmogis Norgga  kirkui. Dasa lassin velá olbmot geat ásset olgoriikkas. Konfirmašuvnna fálaldaga bokte nanusmuvvá  Norgga kirku. Diibmá konfirmerejuvvo 34 000 konfirmántta, namalassii 81 proseantta  dain geat ledje gástašuvvon dien agis.

Statistihkalaš guovddášdoaimmat (SSB) almmuhii gaskaboddosaš 2019 gieldda ja stáhta loguid njukčamánus. Dat čájehit earret eará kirkostatistihka maid Norgga kirku searvegottit leat dieđihan. 

SSB gaskaboddosaš logut maid čájehit ahte 2019:s fitne 5.2 miljovnna ipmilbálvalusain, ledje 14 235 konseartta/kulturdoalu kirkuin,  1,7 miljovnna oassálaste konsearttain/kulturdoaluin, 94 000 mánáidgárdemáná oassálaste mánáidgárdeipmilbálvalusain, ledje 6 218 kirkolaš vihaheami.  101 700 olbmo oassálaste searvegottiid iešguđetlágan oskkuoahpahusdoaimmain. 

- Advertisement -
-Almmuhus-