Vuosttaš oktanuppelohkái mánus 2022:s leat 268 ruošša stáhtaborgára ohcan dorvvu Norgii.
Sis leat 95 nissonolbmo ja 173 almmáiolbmo.
Dat boahtá ovdan Olgoriikalašdirektoráhta (UDI) dorvostatistihkas ođđajagimánus ja skábmamánnui 2022 áigodagas.
Lohku lea lassánan 43:in mannan mánu, go ledje registerejuvvon oktiibuot 225 Ruošša dorvoohcci. Dasa lassin leat 84 ruošša ohcan kollektiivvalaš suodjalusa Norggas. Vuolggasajis guoská ortnet dušše ukrainalaččaide geat báhtarit Ukrainas, muhto Ruošša stáhtaborgárat sáhttet maid deavdit gáibádusaid.
Kollektiiva suodjalus addá gaskaboddosaš suodjalusa jagi, muhto ii ráhkat vuođu bissovaš orrumii. Muhto dat sáhttá guhkiduvvot jos dilálašvuohta Ukrainas joatkašuvvá.
(©NTB)
