-Almmuhus-
-Almmuhus-
OĐĐASAT 25 olbmo duššan buollimis vássán jahke­bealis

25 olbmo duššan buollimis vássán jahke­bealis

-

-

25 olbmo Norggas leat duššan buollimis dán jagi vuosttas jahkebealis. Dat lea lassáneapmi čiežain olbmuin diimmá vuosttas jahkebeale ektui.

Dán 25 duššan olbmos leat 14 almmáiolbmo ja 11 nissona, čájehit DSB logut. Norsk Brannvernforening hálddahusdirektevra Rolf Søtorp lohká ahte juohke jápmin buollima dihte lea okta menddo ollu. Son lea seammás duhtavaš go jápminstatistihkka čájeha ahte unnit olbmot leat jápmán buollimii maŋimuš jagiid. Diibmá jápme 41 olbmo, ja gaskamearálaččat maŋimuš vihtta jagi leat 36 olbmo duššan buollimii.

Boarrásat ja dikšodárbbašeaddjit, olbmot geain leat heajos doaibmannávccat ja olbmot geain lea gárrenávnnassorjjasvuohta leat erenoamáš riskajoavkkus. Logut čájehit ahte 75 proseantta sis geat duššet buollimii leat dan joavkkus.

- Advertisement -
-Almmuhus-