Regiovdna Norrbotten mii hálddaša buohcceviesuid Davvi-Ruoŧas dieđihit ahte korona njoammun lea lassánan maŋemus vahkuid.
Mánnodaga dieđihuvvojedje 25 ođđa koronanjoammuma Davvi-Ruoŧas Norrbottena leanas. Okta koronabuohcci lea intensiivadivššus leanas dál.
Njoammuneastadandoavttir Norrbottena leanas Anders Nystedt čilge ahte Johkamohkis leat leamaš 15 ođđa koronanjoammuma ovddit vahkus ja su mielas leat dat mearkkašahtti olu.
– Koronanjoammun lea čadnon muhtin searvái Johkamohkis ja sin lagasolbmuide, čilge Anders Nystedt SVT Nyheterii. Son ávžzuha giddet servodaga nugo dahke Jielleváris giđđat.
– Dál olbmot eai leat doarvái várrogasat ja deaivvadit earáiguin. Mun ávžžuhan giddet servodaga nugo dahke Jielleváris giđđat eastadandihte ođđa njoammumiid čilge son SVT Nyheterii.
