Duorastaga leat johtolatpolitiijat doallan leahttudárkkistemiid Leavnnjas.
Finnmárkku politiijat dieđihedje duorastaga Twitteris, sii leat doallan leahttudárkkistemiid guovtti sajis E6 geainnus, Leavnnjas.
Okta dárkkisteapmi lei E6 geainnus Rávttošnjárgga guvlui, gos leahtturádji lea 80 km/d. Bissehedje 14 olbmo geat sáhkohalle. 12 olbmo alla leavttu dihte, okta go geavahii telefovnna vuojedettin, ja okta fas go su biillas ledje seavdnjaduvvon billaláset. Alimus leaktu mii mihtiduvvui lei 98 km/d.
Nubbi dárkkisteapmi lei ges Gáiresguolbanis, gos leahtturádji lea 80 km/d. Logis sáhkohalle go vudje menddo jođánit. Alimus mihttiduvvon leahttu báikkis lei 106 km/d.
