Birasdirektoráhta lea juolludan oktiibuot 24 miljovnna 77 prošektii, buoridan dihtii guliid ja čáhceelliid dili jogain, jávriin ja rittus.
Okta juohke njealji jogas ja jávrris Norggas ii leat doarvái buorre čáhcebiras. Dat mii váikkuha guliide, čáhcešattuide ja eará eallišlájaide eanemusat funet guvlui, lea čáhcefápmohuksen, birasmirkkot, guovllut mat jávket huksema dihtii, go guvlui amas eallit luitojuvvojit, nuoskideapmi mii buktojuvvo guhkkin eret ja eanadoalu ja duolvačázi nuoskkideapmi. Danin juolluda Birasdirektoráhta doarjaga buoridit čáhcebirrasa.
– Lassin buoridit čáhcekvalitehta ja eallinvuođu elliide ja šattuide mat ellet čázis, galget maid olu dáid prošeavttain geahpedit dulvevára. Lea dehálaš heiveheapmi go dálkkádat lea rievdamin, lohká Birasdirektoráhta direktevra Ellen Hambro ja lasiha:
– Buori ohcamat leat lassánan maŋimuš áiggi miehtá Norgga.
Doarjaga masa Birasdirektoráhta juolluda ruđaid, lea fuomášit birashástalusaid čáziin, diehtojuohkin álbmogii ja heivehit barggu čáhce-buoridan doaimmaide. Dán jagi ohce 207 ohcci oktiibuot 128 miljovnna kruvnna, Dálkkádat ja birasdepartemeanta vuoruha barggu čázádagaid divvut dološ dillái, 2021-2030 áigodagas ovttasráđiid earáiguin. Hambro muitala stáhta doarjja sáhttá dáhkidit ahte eanet ruđat luvvejuvvojit daid prošeavttaide.
