30 jagis lea IVF-ossodat Davvi Norggas Universitehtabuohcciviesus riegádan 2200 máná pipeahtaid ja lásežiid vehkiin.
30 jagis lea IVF-ossodat Davvi Norggas Universitehtabuohcciviesus riegádan 2200 máná pipeahtaid ja lásežiid vehkiin.
Máŋga eallima árktalaš guovlluin leat vuolggahuvvon galmmihuvvon dilis.
– Mii ealáskuhttit monnerávssáid hormonaiguin vai sáhttit viežžat moniid maid sáhttá veahkkesahkkehit, ja veahkkesahkkehuvvon moniid maid eat dárbbat dán vuoru bidjat álo galmmihanskábii. Nie sáhttit mii ráhkadit oappá dahje vielja nu ahte eadneolmmoš ii dárbbat nuppes viežžat moniid, čilge doavttir ja spesialista obstetrihkas ja gynekologiijas, Martha Agnes Hentemann IVF-klinihkas Pingvinenavisai.
Veahkehit ollet mollii
IVF-ossodat ávvuda dán jagi ahte leat veahkkin ráhkadan davvi-norgalaččaid jo 30 jagi.
Vaikko teknologiija ovdána, de oidnet eará gárgedeami nu go ovdamearkka dihte ahte siemankvalitehta ii leat šat beare buorre.
– Ovdal eat sáhttán nu olu dahkat jus siepmanis ii lean buorre kvalitehta. Dál sáhttit mii viežžat siepmaniid bálluin ja insemineret siepmana maid de bidjat njuolga moni sisa náluin, čilge bioinšenevra Inger Olaussen Pingvinavisai bláđđái.
Dainna lágiin oažžu dat geahnoheamos sieman veahki ollet mollii.
