FeFo lea earenoamážit vuoruhan mánáid ja nuoraid buđaldemiid dán giđa FeFo ruoná ruđaiguin.
– Min mielas ledje máŋga buori ohcamuša dán jagi. Midjiide lea illudahtti ahte lea ain ollu eaktodáhtolašvuohta, vaikko leage pandemiija, dadjá FeFo kommunikašuvnna ja servodatoktavuođa jođiheaddji, Robert Greiner preassadieđáhusas.
FeFo lea dán jagi viiddidan doarjjaortnega nu ahte gustojit čieža doaibmabidjosuorgái, maidda lea várrejuvvon oktiibuot 4,2 miljovnna kruvnnu jagi 2021.
– Luonddu árvvut galget bissut Finnmárkkus. Finnmárkku olbmot leat vuođđoeaiggádat, ja sis galget leat ovdamunit. Okta dain lea ahte duššefal Finnmárkku organisašuvnnat sáhttet ohcat min doarjjaortnegiin, čállá Greiner.
Ruoná ruđat lea okta FeFo čieža doarjjaortnegiin, muhto dán jagi rájes lea das bealle miljovnna kruvdnu, iige miljovnna nugo ovdal lei.
– Ovddos guvlui šaddat vuoruhit uhcit infrastruktuvrra ja eambbo aktivitehta min ruoná ruđaiguin. Min doarjjaortnet FeFo infrastruktuvra galgá aitto fal leat infrastruktuvrra várás. Mun ávžžuhan iskat doarjjaortnegiid min ruovttusiiddus, dadjá Greiner.
Dát ožžo FeFo ruoná ruđaid giđđat 2021:
Álttá JFF (bivdiid searvi) – 13.500 kruvnnu ealgabivddu oahpaheapmái ja bissovaš báhčindoartnaid ceggemii
Čorgaša Tuvrasearvi – 7500 kruvnnu muohtagámatuvrii mánáide
Kárášjoga pensionistasearvi – 5000 kruvnnu olgunastinbeaivái 5. luohkkálaččaide
Vuorašjávrri Bartasearvi – 15.000 kruvnnu hirssaide ja rasttildemiide jekkiin
Keaisvági gili- ja valáštallansearvi – 20.000 kruvnnu goavdái
Čorgaša dálvefestivála – 15.000 kruvnnu festiválii
Njávdáma ássiidsearvi – 10.000 kruvnnu olgohivssegii
Čáhcesullo Lions Club – 5000 kruvnnu čakčamátkái
Máze gilisearvi – 20.000 kruvnnu goavdái
Liidnavuona Astoáigesearvi – 20.000 kruvnnu goavdái
Bearalvági Lášmmohallan & Valáštallansearvi – 15.000 kruvnnu mátkeprošektii
Čorgaša tuvrasearvi – 5000 kruvnnu mánáid eahkedašmátkái
Deanu Luisten ja olgunastinsearvi – 10.000 kruvnnu Luistemii buohkaid várás
Álttá JFF (bivdiid searvi) – 9400 kruvnnu nissoniid áhpebivdui
Badjineanu Gilisearvi – 20.000 kruvnnu goavdái
Álttá ja birrasa tuvrasearvi – 5000 kruvnnu Rittu beaivái
Porsáŋggu Valáštallansearvi – 5000 kruvnnu sabetlokteráhkkanussii
Barents musihka ja kultuvrra forum – 10.000 kruvnnu goavdái
Deanu bivdiid searvi – 10.000 kruvnnu meahcceleirii.