Dearvvašvuođaeiseválddit almmuhedje njoammunguorranáppa ođđasit ovdal juovllaid, ja dál leat badjel 217 000 olbmo viežžan dan iežaset telefovnnaide.
«Smittestopp» applikašuvdna, mii galgá guorrat koronavirusa njoammuma, ilmmai ođđasit juovlamánu 21. beaivvi. Dan rájes leat badjel 217 000 norgalačča viežžan áppa iežaset telefovnnaide ja 114 olbmo leat registreren dan bokte ahte sidjiide lea koronavirus njommon.
Olbmot, geat áppa bokte ožžot dieđu ahte leamaš koronabuohcci lahkosis eai bidjo erremii, muhto sii ávžžuhuvvojit váldit iskosa ja bissut ruovttus dassážii go ožžot koronaiskosa vástádusa.
Ođđa njoammunguorranáppa ii geavat GPS-dáhta, eai ge dasa čohkke olbmuid persovnnalaš dieđuid nu go ovddit áppii. Dát ođđa áppa galgá dušše geavahuvvot njoammunguorramii, ii ge dutkamiidda nu go ovddit áppa.
(©NTB)
