Dat boahtá ovdan perspektiivaraporttas man ovdanbuktá ráđđehus.
Váldosivva dasa lea go vuorasolbmuid lohku servodagas lassána. Raportta mielde 2060:s leat 700 000 eanet vuorasobmot go dál.
Ruhtadanministtar Trygve Slagsvold Vedum ovdanbuvttii raportta borgemánu 9. beaivvi.
Dárbu lasihit 180 000 olbmo dearvvašvuođa- ja fuolahussuorgái lea mealgat eanet go einnostuvvon lassáneapmi, nammalassii 75 000 olbmo.
Dat lea earret eará dan dihte go seamma áigodagas vurdojuvvo garrasit njiedjat bargoveaga dárbu petroleumsuorggis.
– Go eaktuduvvo muhtun muddui lassánan barggolašvuohta eará almmolaš hálddašeamis, ja mearkkašahtti lassáneapmi barggolašvuođas petroleumsuorggi ealáhusain, de einnostusaid mielde ain váilot bargit 2060:s, čuožžu raporttas.
(NTB)
