Stádabušeahtas evttohuvvo 205 miljovnna Sámi Našunalateáhter Beaivváža ja Sámi joatkkaskuvlla ođđa vistái, mii huksejuvvo Guovdageidnui.
Miessemánu 2. beaivvi 2022 huksegohte sámi teáhter- ja skuvlavistti Guovdageidnui. Dál evttoha ráđđehus juolludit 205 miljovnna stádabušeahttaárvalusas Sámi Našunalateáhter Beaivváža ja Sámi joatkkaskuvlla ja boazodoalluskuvlla vistti huksemii.
– Lea historjjálaš dáhpáhus, ja lea earenoamáš buorre dovdu. Lea measta dego ii livčče oba duohta ge, logai Sámi Našunálateáhter Beaivváža hoavda Rolf Degerlund preassadieđáhusas cuoŋománus.
