Studeanttat geat leat massán dietnasa, ožžot dán vahkku fállojuvvot 26 000 ruvdnosaš liigeloana.
200 000 studeantta ožžot dán vahkku liigeruhtafálaldaga, muhto studeanttat fertejit duođaštit ahte sii leat massán dietnasa koronadávdda geažil.
– Ruhtafálaldat galgá fuolahit studeanttaid geain leat ekonomalaš váttisvuođat, muitala dutkan- ja alitoahppoministtar Henrik Asheim (O).
Boahttevaš beivviid sádde Loatnakássa e-boastta studeanttaide. Sis geain leat riekti oažžut liigeloana galget beassat sisa Loatnakássa neahttasiidui ja ohcat liigeloana, ja liigeloanas šaddá 8000 ruvnno stipeandan.
Sii geat leat ožžon e-boastta, besset ohcat ruđa. Ohcamušas ferte deavdit sisa iešdieđáhusa mii duođašta ahte lea massán dietnasa gaskal njukčamánu 1. beaivvi ja geassemánu 15. beaivvi.
(©NTB)
