Eurohpa ovttastus doarju ruhtalánain Skábmagovat-festivála, mii álgá boahtte vahkus Anáris Davvi-Suomas.
Sámedáidaga doarjjasearvi lea ožžon oahpahus- ja kulturministeriijas 200 000 euro ruhtajuolludeami Skábmagovat filbmafestivála ja doarjjasearvvi ovddideapmái.
Dan čállá Yle Sápmi iežaset neahttasiiddus.
Ruhtademiin lea ulbmil ovddidit earret eará Skábmagovat-filbmafestivála dáhpáhusbuvttadeami, ieš dan filbmafestivála, ja neahttabálvalusaid, sierra prošeavtta bokte. Digitálalaš Skábmagovat -prošeavttain geahččalit buoridit filbmafestivála digitálalaš fálaldagaid neahtas.
Sámedáidaga doarjjasearvi háliida ge Skábmagovaid gehččiin máhcahaga filbmafestivála bálvalusain, go filbmafestivála fas álgá boahtte vahkkus Anáris. Máhcahagat galget ávkkástallat prošeavttas. Digitálalaš Skábmagovat -prošeavtta ruhtada EU.
