Dasa lassin gidde buohcceviessu ovtta ossodaga gielddaide.
Maŋŋebárgga eahkeda oaččui buohcceviesu ovtta vel covid-19 duođaštusa mii čájehii ahte ovtta vel bargái buohcceviesus lea njommon korona.
Hámmárfeastta buohcceviesus leat dál:
– 4 sisačálihuvvon covid-19 pasieantta.
– 14 bargis lea duođaštuvvon covid-19.
– 112 bargi leat erremis siskkáldas njoammunguorrama geažil.
Giddejit ossodaga
Hámmárfeastta buohcceviesu gidde iešguđet gielddaide sisačálihemiid Medisiinnalaš seaŋgalatnjii, mii lea oassi njoammunguorranproseassas. Dat ii guoskka go sisačálihuvvon pasieanttaide. Dálánveahkkepasieanttat sáhttet váldit oktavuođa nu go ovdal, čállá Finnmárkku buohcceviessu twitteris.
Hámmárfeastta suohkan
Dasa lassin lea guoktásis duođaštuvvon vel covid-19 geat leat Hámmárfeastta suohkanis divššus. Oktiibuot lea 20 olbmui Hámmárfeasttas njommon covid-19.
