-Almmuhus-
-Almmuhus-
OĐĐASAT 20-jahkášas nissonolmmoš duššai Njuorjuetnui 

20-jahkášas nissonolmmoš duššai Njuorjuetnui 

-

-

Sotnabeaivvi eahkeda  diibmu 20.50 bođii diehtu ahte olmmoš lea gahččan Njuorjuetnui, mii lea Beardus Mátta-Romssas. Heahteveahka, guokte ambulánsahelikoptera mat bohte Romssas ja Evenáššis, sáddejuvvuje báikái.  

Romssa politiija heahteohcanjođiheaddji Eirik Kileng dieđiha Nordlys áviisii ahte nissonolmmoš lei eanus áibmomadrássaid alde go gahčai čáhcái. Heahteveahka ozai nissona čázis.

Nubbi galgá beassan ieš gáddái ja dieđihii gádjunvehkii ahte nisu lea láhppon. 

Diibmu 21.53 dieđihii politiija ahte nisu lei gávdnon ja dolvojuvvon Davvi-Romssa universitehtabuohccevissui ambulánsahelikopteriin. 

– Son gávdnui vuolábealde Kistegorssa, ja orru dolvojuvvon virddi mielde go lea dulvi dál. Go gávdne nissona, de  álge dakkaviđe vuosttašvehkiin, dadjá Kileng áviisii. Siellatjohka golgá Bones Beardus ja merrii Sjøveganis Siellagis. 

Nisson dieđihuvvui jápmán Davvi-Romssa universitehta buohccevissui sotnabeaivve eahkeda, dieđiha Solveig Jacobsen NTB:i mánnodaga iđđedis. 

(©NTB)

- Advertisement -
-Almmuhus-