-Almmuhus-
-Almmuhus-
OĐĐASAT 1998 olbmo sámi suohkaniin eai leat vel rahpan ge iešdieđáhusskovi

1998 olbmo sámi suohkaniin eai leat vel rahpan ge iešdieđáhusskovi

-

-

Vaikke odne lea áigemearri sáddet iešdieđieđahusskovi vearroeiseválddiide, de leat vuos 1998 olbmo ovcci sámi suohkanis geat eai leat vel eai rahpan ge vearroetáhtta ruovttusiiddus iešdieđáhusskovi.

Vearroetáhtas ávžžuhit dál olbmuid mannat dárkkisteame iešdieđáhusa, go odne gaskaija rádjái lea áigemearri dárkkistit.

Vearroeiseválddit deattuhit ahte jus ii leat mihkke rievdadit, de ii dárbbat dahkat maidege.

Jus leat rievdadeamit, de lea áigemearri odne dahkat daid rievdadusaid maid galgá.

Leat ain 40 000 olbmo geat eai leat leamašan geahččame iešdieđáhusa, čájehit vearroetáhta iežaset logut. Sáhka lea diehttelasat sis geat leat miehtan elektrovnnalaččat iešdieđáhusa oažžut.

 

Áigi rahpat

Olles 1998 olbmo ovcci sámi suohkanis eai leat rahpan ge iešdieđáhusa.

Vearroetáhtas lea čielga diehtu sidjiide, ja earáide maid Norggas:

– Sii geat eai leat rahpan ge iešdieđáhusa, de dál gal lea áigi dahkat dan,  lohká Vearroetáhta senioraráđđeaddi Per Storlien.

Dárkkistit iešdieđáhusa, dat lea juohkehačča iežas ovddasvástádus.

– Mii ávžžuhit ahte olbmot dárkkistit iešdieđáhusa. Vaikke lea ge gárvásii devdon, de doppe sáhttet boasttuvuođat. Nu ahte lea juohkehačča iežas ovddasvástádus rievdadit iešdieđáhusa vai lea riekta, lohká son.

-Almmuhus-