Dán váhku loahpahuvvo Ávvira «Luossagonagas dahje dronnet» luossagilvu, ja nu maid mánáid «Guollelihkku» gilvu.
Dán váhku loahpahuvvo Ávvira «Luossagonagas dahje dronnet» luossagilvu, ja nu maid mánáid «Guollelihkku» gilvu.
Ávviris leat jođus leamaš guokte guollegilvvu. Vuosttaš vuos rávisolbmuide luossagilvu mii gohčoduvvo «Luossagonagas dahje dronnet» gilvu, ja nubbi fas mánáide «Guollelihkku» gilvu.
Jus lea hállu vuoitit de lea maŋemus vejolašvuohta dieđihit guoli dán váhkus ja ovdal suoidnemánu 31. beaivvi 23.59, ja dan dagat dáppe.
Ávvira vuorkágovva
Mannan váhku Luossagonagas
Luossagonagas šattai mannan váhkus, Magne Bállovara, iežas 19,1 kilo luosain.
Ballovara gotti dan luosa Geavgŋás, Deanus ja dieđihii luosa gaskaváhku suoidnemánu 20. beaivvi.
Magne Ballovara šattai ge maid mannan váhku vuoiti ja oažžu gahpira mii čájeha son lea «Luossagonagas». Dat áigodat lei váhku 29, gaskal suoidnemánu 18. gitta 24. beaivái.
Dasa lassin ii leat okta ge dieđihan stuorit luosa go son. Jus ii gotte okta ge stuorit luosa go son, de vuoitá Magne Ballovara vel 3000 ruvdnosaš skeaŋkakoarta.
Priváhtagovva
Eanemus guollelihkku
Mánáid gilvvus vuorbáduvvuiga vieljašguovttos, Mihkkal Issat ja Ánte Nils Máhtte Sara, vuoitin mánáid gilvvus.
Soai gottiiga Sáiddi mii dettii 3 kilo. Sáiddi gottiiga mearas Sállanis. Soai oažžuba stávrrá goabbái ge maid FeFo leat addán.
Nu go rávisolbmuid gilvvus ge, de lea maid mánáid gilvvus maid skeaŋkakoarta vuoitun. Dat 1000 ruvdnosaš skeaŋkakoarta Sport1 rámbuvrras Kárášjogas, ja dan faske dat mánná guhte losimus guliin lea searvan.
