Luostejok Kraftlag lohká streaika sáhttá váikkuhit garrasit olbmuide ja bivdá olbmuid ráhkanit guhkki áiggi streikii.
Luostejok Kraftlag lohká streaika sáhttá váikkuhit garrasit olbmuide ja bivdá olbmuid ráhkanit guhkki áiggi streikii.
Luostejok Kraftlag lohká streaika sáhttá váikkuhit garrasit olbmuide ja bivdá olbmuid ráhkanit guhkki áiggi streikii, čállá ságat.no.
38 energiijafitnodaga galget streikket
EL & IT Forbundet, Fagforbundet, Delta ja Parat eai leat juksan ovttaoaivilvuođa Ks Bedriftain mo ođđa eavttut galget vuoiŋŋastannjuolggadusas energiijasuorggi fáktaortnegis. Bearjadaga 23.09 váldojuvvojedje 230 olbmo streikii, dieđihii Luostejok Kraftlag Leavnnjas. Dál lea fágasearvvit dieđihit ahte streaika galgá leavvat gávcci ođđa energiijafitnodagaide ja oktiibuot 156 váldojuvvojit streikii. Oktiibuot galget leat 38 energiijafitnodaga ja 696 bargi leat streaikkas golggotmánu 11. beaivvi. Luostejok Kraftlag SA galget 19 bargi 29 bargiin streikii, dieđihit kraftlagat.
Bálvalus geahpeduvvo
Streikejeaddjit lohket streikenáigodagas geahpeduvvo bálvalus mealgat. Dušše jus streaika uhkida eallima ja dearvvašvuođa, maiddái elliid dearvvašvuođa ja ahte goalmmát olmmoš vahágahtto, de divvut elfámofierpmádaga. Jus lea eará elrávdnjedoaibmavahágat, de ferte ohcat streikejeddjiid fágalihtuin, ožžot go sii sierralobi streaikkas.
Bivdet ráhkkanit
Luostejok Kraftlag bivdá olbmuid ovdalgihtii dasa ráhkkanit. Streaika sáhttá dagahit ahte elrávdnji ja fiberkábelat eai divvojuvvo ollásit, eaige ođđa elrávdnje- ja fiber laktimat, uhcán oktavuohta kundáriiguin, eaige čájet gos kábelat leat gesson.
Rávvagat elrávdnjefitnodagas
Láddet heahteláddára, radio mas leat báhtterat, báhtterat lupmalámpái, doarvái gintalat ja muorat uvdnii, riššat, doarvái borramuš ja juhkamuš maid ii dárbbaš vurket čoaskudanskáhpas dahje jiekŋudanskáhpas. Jus lea elrávdnji aggregáhta, dárkkis ahte dat doaibmá.
