Ođđa koronanjoammumat leat lassánan mannan bearjadaga rájes.
Mannan vahkkolohapa rájes leat koronalogut lassánan. Hámmerfeastta suohkan čállá Twitteris vuossárgga iđida ahte 19 ođđa olbmos lea duođaštuvvon korona. Njoammunguorran lea dahkkon.
Seammás čállá suohkan Twitteris ahte 90 olbmo leat beassan eret isolašuvnnas. Vuossárgga lea oktiibuot 59 olbmos duođastuvvon korona Hámmerfeastta suohkanis. Guokte pasieantta, geain lea gullevašvuohta Hámmerfestii, leaba čálihuvvon Hámmerfeastta buohccivissui korona geažil.
150 lagasoktavuođa leat karantenas.
