-Almmuhus-
OĐĐASAT19 hearggi dieđihuvvon Guovdageainnu gilvvuide

19 hearggi dieđihuvvon Guovdageainnu gilvvuide

-

-

19 hearggi galget gilvalit 1000 mehter heargegilvošiljus Guovdageinnus beassášlávvordaga.

Buot oiddohat leat mielde.

Ana Maria Eira heargi, Suiva, mii lea njunnošis SHL/SVL-N oktasašcupas, galgá ruohttat 12. heargin. 

Klemet Amund Eira, Amhan, lea nuppi sajis cupas. Dat lea fas nubbi heargi mii ruohtasta gilvvus.

Mikkel Mathis Hætta lunttaža, Mihkkal Ánte Hætta heargi, Karibo, lea vuosttaš heargi mii ruohtasta beassášlávvordaga Guovdageainnus. Karibo lea goalmmát sajis dan oktasaš cupas.

Suiva lea čieža čuoggá ovddabeale dien guokte eará hearggi.

Ja go čuoggáin, maid ain gilvvus ožžot, lea okta čuokkis erohus dan vuosttaš 16 sajis, de sáhttá váttis šaddat birget Suivain dan cupas.

Vuoiti oažžu 16 čuoggá, nubbi sadji 15 čuoggá, goalmmát sadji 14 čuoggá ja nu ain gitta 16. sadjai mas oažžu 1 čuoggá.

 

Karasprinten

Sajit oktasašcupas sáhttet rievdat. Go skileduorstaga lea Karasprinten gilvu, ja dohko leat jáhkkimis eanas dain heargeeaiggádiin manname.

Doppe ii leat dieđihanáigemearri dievvan, ja danin eai leat vel vuorbádan gii galgá guđege ruohttamis gilvalit.

Heargegilvvut Guovdageainnus 31.3.2018        
         
  Boazu Klipsa Eaiggát Vuoddji
1 Karibo 10147 Mihkkal Ante Hætta John Inge Eira
2 Amhan 4104 Klemet Amund Eira Asllat Heandarat Anti
3 Toko 5280 Aile Sofie G Sara Anne Risten Sara
4 Curges Muzet 5279 Mikkel Sokki Mina Ariane K Sokki
5 Eddi 5288 Ailin Therese G Sara Anne Risten Sara
6 Lime 10150 Nils Jøran Eira John Inge Eira
7 Thug 5215 Petter Northug/Anne Risten Sara Anne Risten Sara
8 Pogba 5282 Mina Ariane K Sokki Mina Ariane K Sokki
9 Selfie 5263 Biret Julianna Hætta John Inge Eira
10 Trommis 4263 Anders Nils Eira Asllat Heandarat Anti
11 Rocky 5283 Esaias Matheo K Sokki Mina Ariane K Sokki
12 Suiva 5214 Ana Maria Eira John Inge Eira
13 Dcosta 4103 Klemet Amund Eira Asllat Heandarat Anti
14 Nj-cuoivvat 5289 Nils Jøran Eira Mikkel Jonas Eira
15 Sodan 5290 Nils Jøran Eira John Inge Eira
16 Herrem 5287 Elle Marja Sara Elle Marja Sara
17 San 5285 Anne Risten G Sara Anne Risten Sara
18 E-cuoivvat 4052 Per Ole Vars John Inge Eira
19 Tanka 10146 Johan Aslak Henrik/Klemet A Eira Asllat Heandarat Eira

*/

 

-Almmuhus-