Dán vahkkoloahpa lágida Oarje-Finnmárkku loddebeanaservviin (OFLS) Álttá ossodat allaárvogeahččaleamit Arctic Cup 2015 ja Altaprøven Suoidneleavššis.
Bearjadaga gilvui lea 180 loddebeatnaga dieđihuvvon. Šaddá garra gilvu vuoitit finálasaji Arctic Cup:ii go dušše 50 beatnaga besset dohko.
Máŋga luohká
Álggos gilvalit olahit semifinálasaji lávvardaga, 75 besset dohko ja dasto finálasaji VK:ii dahje vuoitoluohkái sotnabeaivvi. VK luohkás gilvalit rávis beatnagat mat leat vuoitán AK dahje rabas luohká. Muđui leat beatnagat mat galget leat fárus luohkáin NL (UK) Nuorrabeatnagat / RL (AK), mat leat rávis beatnagat gitta guovtti jahkái. Ovdal geahččalemiid Arctic Cup:a ja Altaprøven lea leamaš gosii 400 vuolgaga.
Ovttasbarget Fefoin
FeFos lea ovttasbargošiehtadus guovtti jahkái Oarje-Finnmárkku loddebeanaklubbain. VFFK (OFLK) miellahtut Álttás, Hámmárfeasttas ja Leavnnjas áigot olgodoaimmaiguin ja doaluiguin profileret dán ovttasbarggu.
– Klubba miellahtut ovttasbarget FeFo:in meroštallat rievssathivvodaga juohke jagi ja olu lágidemiiguin Finnmárkkus, vai ožžot loguid maid vuođul biddjo rievssatearri. Sii ovttasbargat maid bivdogeahččalemiin, Bissojogas ja Guovdageainnus ja ovtta čájálmasas jagis. VFFK (OFLK) miellahtut barget doaimmalaččat astoáiggefálaldagaiguin báikkálaš birrasiin Álttás, Hámmárfeasttas ja Leavnnjas, čállá Fefo.
