Kárášjohkalaš Daniel Eikjok ja su ealgabeana, «Mira», šattaiga 18. buoremussan luovos ealgabeatnagiid Norggameašttirgilvvus, Evjes Lulli-Norggas.
Árabut dán vahkku lágiduvvui luovos ealgabeatnagiid Norggameašttirgilvu Evjes, Lulli-Norggas ja dohko searvvai Daniel Eikjok iežas beatnagiin, «Mirain».
Gilvu bisttii guokte beaivvi, ja vuosttaš beaivvi birgehalaiga bures go oaččuiga vuosttašvuoittu.
Nuppi beaivvi ii gávdnan «Mira» ealgga iige ožžon go 15 čuoggá.
Norggameašttirin šattai telemárkulaš Olav Willy Eriksen, iežas beatnagiin «Ero av Gausbu».
