-Almmuhus-
-Almmuhus-
-Almmuhus-
CORONAVIRUS18 korona­pasieantta Davvi-Norgga buohcci­viesuin

18 korona­pasieantta Davvi-Norgga buohcci­viesuin

-

-

Guđas dain leat intensiivvas, mii dagaha 15 proseantta buot dearvvašvuođaregiovnna intensiivapasieanttain. 

Bearjadaga ledje duođaštuvvon 18 pasieantta geain lea korona Davvi Dearvvasvuođa regiovnnas. Lohku lei duppalaston beaivvis ovdal. 

Intensiivapasieanttain lea okta guhte oažžu vuoigŋanveahki. Bearjadaga ledje oktiibuot 442 koronapasieantta buot Norgga buohcciviesuin, lassánan 40 pasieanttain beaivvis ovdal.

Davvi Dearvvašvuođa regiovdna jođiha Nordlándda ja Romssa ja Finnmárkku buohcciviesuid, ja eaiggáduššá Finnmárkku buohcciviesu, Davvi-Norgga Universitehtabuohcciviesu (UNN), Nordlándda buohcciviesu ja Helgelándda buohcciviesu.

Pandemiijas leat eanemusat leamaš 45 pasieantta geain lea koronan Davvi Dearvvašvuođa regiovnnas. Dat lei skábmamánu 24. beaivvi 2021:s.

-Almmuhus-