Ráfáiduhtton visttit ja rusttegat Finnmárkku fylkkas, ožžot birrasiid 1,7 miljovnna ruvnno.
Ráfáiduhtton visttit ja rusttegat Finnmárkku fylkkas, ožžot birrasiid 1,7 miljovnna ruvnno.
Finnmárkku fylkkagildii lea 2016:s addon 696 577 ruvnno stádabušeahta bokte, Riikaantikváras, ráfáiduhtton ja gáhttenveara visttiid ja rusttegiid antikváralaš divodemiide. Lassin boahtá vel miljovnna ruvnno ovdalgihtii 2017: bušeahtas.
Finnmárkku fylkkagielda galgá vuoruhit ráfáiduhttin visttiid ja rusttegiid, muhto sáhttá maid juolludit ruđa gáhttenveara visttiid ja rusttegiid divodeapmái.
Mealgat eanet ovddas ohcan go maid juolludit
Riikkaantikvára dat juolluda ruđa stádabušeahtas buot fylkkaide Norggas.
Finnmárkku fylkkagielda lea ožžon 25 doarjjaohcama 2016 jagi várás, oktiibuot ledje ohcan birrasiid 7,7 miljovnna ovddas.
Dat mearkkaša ahte ledje ohcan mealgat eanet ruđa go maid fylkkagielda sáhtii juolludit.
– Danne lea fylkkagielda šaddan vuoruhit geaid dorjot, čállet sii preassadieđáhusas.
Garra vuoruheamit
Sii leat vuoruhan visttiid gáhttenárvvu, muhto maiddái makkár stánddas visttit leat. Fylkkagielda lea maid vuoruhan ahte divodeamit mat leat jo álggahuvvon galget gárvejuvvot ja leat geahčadan man olu guđege rusttegis leat leamaš geavatkeahttá ruhtadeapmi ovddit jagiin.
– Juolludeamit giehtadáidogelbui addo prošeavttaide mat veahkehit nannet antikváralaš divodanmáhttu Finnmárkkus.
Fylkkalávdegoddi lea dáidda juolludan ruhtadeami:
Foldalbruket, Davvesiiddas, 75 000 ruvnno
Nordkáhpa ruggu (2. ruggu), Nordkáhpas, 140 000 ruvnno
Væreiergárdin Hamningbergas (gáivu), Báhcavuonas, 146 000 ruvnno
Esbensensgárdin Hamningbergas (áiti/olgovisti), Báhcavuonas, 90 000 ruvnno
Áiti/olgovisti Orkkanluovttas, Porsáŋggus, 12 000 ruvnno
Kristian 4. gáhta 58 (Goikeguollevisti) Várggáin, 98 557 ruvnno
Návet, Repokoski, Porsáŋggus, 40 000
Giehtadáidogealbu, Finnmárkku fylkkagielda, 95 000 ruvnno
Oktiibuot leat juolludan 696 557 ruvnno 2016 ruđain.
Ovdalgihtii juolludeamit 2017 ovddas:
Fjærtoftbruket, Bearralvágis, 205 000 ruvnno
Fjærtoftbruket, Bearralvágis 168 000 ruvnno (áigot guokte vistti divodit)
Kjelvik ruggu, Nordkáhpas, 200 000 ruvnno
Foldalbruket (káija ja ruggu), Davvesiiddas, 162 500 ruvnno
Brodtkorbáittit (guolevuodjavisti), Várggáin 95 000 ruvnno
Holmenstohpu, Hamningbergas, Báhcavuonas, 69 500 ruvnno
Kanstaby pakkhus-visti, Várggáin, 100 000 ruvnno
Oktiibuot leat juolludan 1 miljovnna 2017 ruđain.