-Almmuhus-
-Almmuhus-
OĐĐASAT17 jahkásaš áššáiduhtton goddináššis

17 jahkásaš áššáiduhtton goddináššis

-

-

Politiijat leat áššáiduhttán 17 jahkásaš bárdni go galgá leat goddán nuorra bártni Čáhcesullos lávvordaga. 

 

Politiijat leat áššáiduhttán 17 jahkásaš dievddu go galgá leat goddán 18 jahkásáš Håvard Pedersena Čáhcesullos.

Goddin galgá leat dáhpáhuvvan muhtin rámbuvrras gávpot guovddážis lávvordat eahkeda gos gottáhallan bárdni lei barggus.  

Politiijat ožžo dieđu niibečuogguma birra lávvordaga suoidnemánu 14.beaivvi, diibmu 21.55. 

 

Ain dutkat

– Min dieđuid vuođul de ii leat sudnos leamaš makkárge oktavuohta.  Politiijat eai leat vuos hábmen

gova mii dagahii dahje mii lei sivva dáhpáhussii. Dan áigut dutkat ja almmostahttit, dadjá Várjjat

politiijastašuvnnaguovllu jođiheaddji, Unni P. Stock. 

 

Vihtanat oidne

Maŋŋá goddin dáhpáhusa de leat vihtanat čilgen ahte sii oidne dievddu geas lei niibi, viehkame «Vadsøya» sullo guvlui. Diibmu 01.28 válde politiijat gittá olbmo gii lei mearas vuodjamin ja bidje su giddagassii. 

Politiijat áigot odne, mánnodaga, bivdit rájusgiddagassii bidjat olbmo. 

 

Ii leat ovdal dubmehallon 

 Vearredahkki ii leat ovdal dubmehallon ráŋggáštusáššiin, muhto politiijain lea leamaš

oktavuohta albmáin guovtte geardde ovdal go lea givssálaš láhtten leamaš dan maŋemus mánu. 

 

Dutkame ášši

– Ášši dutko sihke taktihkalaččat ja teknihkalaččat. Politiijat leat čađahan iskkkosiid báikkis

gos goddin dáhpáhuvai ja jearahallan vihtaniid. Finnmárkku politiijaguovllu veahka lea guorahallama

ja čađaheame joatkevaš árvvoštallama dárbbahit go ráđđeaddima earret eará Kriposis, dieđiha Stock. 

 

 Politiijat almmuhedje gottáhallon olbmo nama sotnabeaivvi. Lei čáhcesullolaš Håvard Pedersen gii gottáhalai. 

 

-Almmuhus-