Stuoradikki vuođđudančoahkkin dollojuvvui lávvordaga golggotmánu 9. beaivvi. Dás válljejuvvui Eva Kristin Hansen stuoradiggepresideantan.
– Lea stuora luohttámušduođaštus válljejuvvot presideantan. Dál illudan ovttas presideantagottiin jođihit barggu Stuoradikkis, dadjá Eva Kristin Hansen.
Son dadjá ahte sutnje šaddá dehálaš hukset luohttevašvuođa álbmogis Stuoradiggái. Son ádde ahte maŋimuš áiggi áššit leat dagahan ahte luohttevašvuohta lea unnun.
– Leat juo biddjon barggut johtui mannat proseassaid čađa sihke dearbbadan ásodagain, geassádanattus ja maŋŋábálkkás, maiddái ollislaš vearrorevišuvdna. Okta deháleamos doaimmain lea gárvet dáid bargguid, dadjá ođđa stuoradiggepresideanta.
