16-jahkásaš gánda lea áššáskuhtton go galgá leat veagalváldán nieidda Tromssas.
Áššáskuhttimis boahtá ovdan ahte gánda lea áššáskuhtton veagalváldán 15-jahkásaš nieidda. Dáhpáhus galgá leat geavvan Tromssas čakčat.
Gándda bealušteaddji ii háliit kommenteret áššáskuhttima.
– Dat gažaldat vástiduvvo rievttis maŋŋel go áššáskuhttin lohkkojuvvo, dadjá advokáhta Tore Pedersen NTB:i.
Dábálaš ráŋggáštus veagalváldima oktavuođas lea njealje jagi giddagasas.
Ášši meannuduvvo Davvi-Tromssa diggegottis miessemánu 11. ja 12. beivviid.
(©NTB)