-Almmuhus-
-Almmuhus-
-Almmuhus-
OĐĐASAT151 bivdo­joavkku vuordin­listtus 

151 bivdo­joavkku vuordin­listtus 

-

-

151 bivdojoavkku eai ožžon bivdoguovllu dán čavčča ealgabivdui, muhto sis lea ain vejolašvuohta. 

Mannan bearjadaga almmuhii Finnmárkkuopmodat (FeFo) geat dán čavčča besset bivdit Finnmárkkus. 

– 287 ealgabivdojoavkku ožžo bivdoguovllu. 108 joavkku ožžo vuosttaš dahje nuppi vuoruheamiset ollašuvvat. Juos lassin vel váldá mielde joavkkuid nuppi dahje goalmmát vuoruheami, de sáhttet 145 joavkku leat hui duđavaččat dán jagáš vuorbádemiin. 

151 joavkku leat šaddan hearbevárrelistui, mii lea 27 joavkku eambbo go diibmá. Gávcci jagi dás ovdal leai hearbevárrelistu guhkit go goassege ovdal, go de gárte 216 bivdojoavkku vuordinlistui vuorbádeami maŋŋil, dieđiha FeFo.  

–  Eambbo bivdoguovllut sáhttet rahpasit earáide, juos bivdojoavkkut eai váldde vuostá juolluduvvon bivdoguovllu. Bivdojoavkkut geat leat bajimuččas hearbevárrelisttus sáhttet oažžut bivdoguovlluid mat eai leat juolluduvvon dahje maid eará bivdojoavkkut eai leat váldán vuostá. 

-Almmuhus-