-Almmuhus-
CORONAVIRUS1501 ođđa korona­njoammuma Davvi-Ruoŧas 

1501 ođđa korona­njoammuma Davvi-Ruoŧas 

-

-

Regiovdna Norrbotten dieđiha ahte vahkkoloahpas leat leamaš 1501 ođđa koronanjoammuma leanas. 

Regiovdna Norrbotten dieđiha maid raporttas ahte mánnodaga leat guovttis leanas jápmán koronadávdda geažil. 

Oktiibuot leat dal 299 olbmo jápmán Davvi-Ruoŧas koronadávdda geažil dan rájes go dávda njoammugođii.

Omikronváriánta lea dál dábáleamos maiddái Norrbottenis. Mánnodaga leat 24 olbmo buohcceviesus koronadávddain ja njealjis leat intensiivadivššus. 

Davvi-Ruoŧas leat 88 proseantta álbmogis ožžon guokte boahkuheami, čállá Regiovdna Norrbotten preassadieđáhusas.

-Almmuhus-