Ráđđehus veahkeha ain studeanttaid elrávdnjerehkegiin. Dál sáhttet studeanttat ohcat Loatnakássas 1500 ruvnno elrávdnjestipeandan.
Dat mearkkaša ahte studeanttaide lea oktiibuot fállojuvvon 4500 ruvnno elrávdnjestipeandan 2022:s.
– Mávssiimet masá 368 miljovnna ruvnno 2022 giđa ja dál leat bidjan dasa liige 210 miljovnna ruvnno. 1500 ruvdnosaš stipeanda boahtá dábálaš elrávdnjedoarjagiid lassin maid buot Norgga dállodoalut ožžot, dadjá dutkan- ja alitoahppoministtar Ola Borten Moe.
Elrávdnjestipeanda lea studeanttaide geat eai oro ruovttus ja mákset elrávnnji ovddas sierra, nu ahte ii leat stohpoláiggus mielde. Elrávdnjegolut fertejit leat 2022 čavčča ovddas ja daid ferte sáhttit duođaštit. Buohkat geat devdet dáid gáibádusaid, ožžot doarjaga.
