Tine lea árvvoštallame heaittihit golbma meieriija.
Duorastatiđida ožžo Tine meieriija bargit Deanus, Álttás ja Sem:as dieđu ahte sin virggit soitet heaittihuvvot. Sivvan dasa lea go mielkegolahus lea máŋga jagi njiedjan ja gilvu eará aktevrraiguin lea stuoris.
Boahttevaš vahkuid galgá Tine čielggadit ja guorahallat dán golmma meieriija boahtteáiggi.
– Mis leat guokte válgga: Juogo mii investeret ođđa rusttegiidda dahje mii heaittihit moadde meieriija. Mii leat rehálaččat bargiiguin dan birra ahte sii sáhttet massit bargguideaset, lohká Tine konseardnahoavda Gunnar Hovland NTB:i.
