Masá 50 000 koronaiskosa čađahuvvoje gávcci rádjárasttildeamis.
– Lea hirbmat unnán olbmuin geain duođaštuvvo korona rádjárasttildeami oktavuođas. Ferte leat lohpi jearrat lea go veara váldit iskosa olbmuin rájá alde dán vuogi mielde dál, dadjá ovddeš Halden-sátnejođiheaddji Thor Edquist NRK:i.
Dearvvašvuođadirektevra Bjørn Guldvog lohká šaddat unnit dárbbu iskat ruoná riikkaid sisamátkkosteddjiid mađi eambbosat leat boahkuhuvvon ollásit Norggas. Son bealušta liikká ahte buohkat, geain ii leat dohkálaš koronasertifikáhtta, galget váldit iskosa.
– Dat guhtta olbmo geain lei positiiva iskkus Svinesundas geassemánu 7. beaivvi rájes, leat guhtta vejolaš báikkálaš njoammuma mat soitet leat bissehuvvon go son, geas lei positiiva iskkus, biddjui isolašuvdnii ovttatmano, dadjá Guldvog.
(©NTB)
