Dan 15 olbmos geat heavvanedje geassemánus, de heavvanedje čiežas go gahčče čáhcái, guđas heavvanedje go vuojadedje ja guovttis astoáigefanas geavahemiin.
Redningsselskapet heavvananstatistihkka čájeha ahte 45 olbmo leat heavvanan dássážii dán jagi, mii lea gávcci eambbo go diibmá dán muttus áiggi.
– Čilgehus dán alla heavvananlohkui geassemánus, soaitá leat sihke geassemánu báhkat ja liegga gálašančáhci. Dasa lassin luomustallet eanet norgalaččat Norggas dán jagi, lohká Redningsselskapet (gádjunfitnodaga) heavvananfága jođiheaddji Tanja Krangnes preassadieđáhusas.
Diibmá, 2019 geassemánu heavvanedje 10 olbmo ja 2018 geassemánu heavvanedje 15 olbmo. Jagi 2018 geasi ledje bahkat. Dat 15:s geat heavvanedje 2020:s, ledje golbma gándda 6-18 jahkásačča. Romssas ja Finnmárkku fylkkas heavvanedje guđas vuosttaš jahkebeali, golmmas gahčče čáhcái, okta astoáiggefatnasa, okta gálašeami, okta guolásteamifatnasa ja heajus jieŋa čađa geažil.
