Suoidnemánus leat 14 albmá ja okta nisu jápmán heavvananlihkuhisvuođas.
Dássážii dán jagi, leat 48 olbmo jápmán heavvananlihkuhisvuođa geažil. Suoidnemánus heavvanedje 15 olbmo, golmmas sis heavvanedje go ledje gálašeamen/vuojadeamen, nu čájeha Redningsselskapets drukningsstatistikk logut.
– Oktasaš luomománus mii lea suoidnemánus, lea dat mánnu jagis goas eanemus heavvananlihkuhisvuođat gevvet. Luopmu ja fiinna dálki dahká ahte eambbosat go muđuid jagis leat jogain, čáziin dahje mearain, dadjá Redningsselskapets heavvananeastadan fágahoavda Tanja Krangnes.
Redningsselskapet váldi badjelasas heavvananstatistihkka jagi 2017, ja logut dan rájes čájehit ahte leat gaskal 11 ja 18 olbmo heavvanan suoidnemánus. Diibmá seammá mánus dušše 12 olbmo.
Čieža lihkuhisvuođa ástoáiggefatnasis
Dan 15 heavvananlihkuhisvuođas dán jagi, leat čieža lihkuhisvuođa dáhpáhuvvan astoággefatnasis. Golbma lihkuhisvuođa dáhpáhuvve loahpageahčen mánus. Romssas ja Finnmárkkus duššai okta 50-jahkásaš almmái maŋŋá go su astoáiggefanas gopmánii, lihkuhisvuohta geavai Báhcavuona gielddas. Trøndelagas fas galget leat geavvan guokte lihkuhisvuođa astoáigefatnasis. 50- jahkásaš almmái gávdnui duššan muhtin jávrris Namsosas, ja 30- jahkásaš almmái ges gávdnui jápmán muhtin jávrris Nærøysundas.
Álggu geahčen suoidnemánus de heavvanii vuorrasat almmái ja nisu, go soai leigga borjjasfatnasis olggobealde Hvaleris. Vuorrasat duiskalaš almmái jámi maŋŋá go su fanas gopmánii Smølas, ja okta 70-jahkásaš Norgalaš heavvanii Ruoŧas.
Guokte eará lihkuhisvuođa siva
Golbma olbmo heavvanedje go galget leat gahčan čáhcái. Leat maid leamašan golbma heavvananlihkuhisvuođa gálašeame oktavuođas mannan mánus.
44 obmo, dan 48 olbmos, geat leat heavvanan ođđajagi rájes, lea jápmán heavvananlihkuhisvuođa Norggas. Njealje Norgga stáhtaborgára leat heavvanan olgoriikkas.
