-Almmuhus-
SMÁVVAOĐĐASAT1,5 miljovnna prošektii mii galgá doaibmat buot suohkaniin Finnmárkkus

1,5 miljovnna prošektii mii galgá doaibmat buot suohkaniin Finnmárkkus

-

-

Finnmárkku spábbačiekčanbiire oažžu doarjaga Romssa ja Finnmárkku fylkkagielddas «Čuovggat viesuid gaskka – dáppe mearkkaša dat eanet» prošektii.

Finnmárkku spábbačiekčanbiire golmmajagi prošeakta «Lys mellom husan», dahje «Čuovggat viesuid gaskka», galgá doaibmat buot suohkaniin Finnmárkkus.

Konseapta lea joatkka «Ássanmovtta Ozus» prošeavttas, mii loahpahuvvui 2021:s, ja ulbmil prošeavttain lea movttiidahttit eambbogiid eaktodáhtolašvuhtii ja eanet doaimmaide, dieđiha Romssa ja Finnmárkku fylkkagielda preassadieđáhusa bokte.

Prošeakta lea birrajagi doaibma, ja das galget guokte beaivve doalut dollojuvvot juohke suohkanis, ovttat doalut servvodahkii ja nuppiid spábbačiekčamii. Dasa lassin galget maid eará doaimmat lágiduvvot juohke suohkanis. 

Fylkkaráđđi duhtavaš doarjagiin

Fylkkaráđđi Ronald Wærnes (Gb) lohká duhtavažžan doarjut prošeavtta 1,5 miljovnnain. Su mielas lea dehálaš movttiidahttit olbmuid ássanmovttain, go son vuorjašuvvá dainna demográfalaš ovdánemiin maid oaidná.

Fylkkaráđđi Ronald Wærnes (Gb) lohká prošeavtta buorren Finnmárkui. Preassagovva: Sunniva Tønsberg Gaski
Fylkkaráđđi Ronald Wærnes (Gb) lohká prošeavtta buorren Finnmárkui. Preassagovva: Sunniva Tønsberg Gaski

– Mii dárbbašit buot olbmuid dáppe badjin dan dihte go servodat ja ealáhus lea hui ovdáneamis, lohká Wærnes preassadieđáhusas.

-Almmuhus-