Ođasmahtton nationálabušeahtas evttoha ráđđehus juolludit 15 miljovnna kruvnna Biebmobearráigeahčui.
Ođasmahtton nationálabušeahtas, mii almmuhuvvui miessemánu 12. beaivvi, evttoha ráđđehus juolludit 15 miljovnna kruvnna Biebmobearráigehččui.
– Biebmobearráigeahčču lea gearggusvuođaásahus mii galgá fuolahit dehálaš servodatdoaimmaid mat gullet borramuš- ja čáhcejuohkimii. 2020:s lea Biebmobearráigeahčču ožžon koronaroasu dihtii eambbo barggu, lohká eanadoallo- ja biebmoministtar Olaug Bollestad.
Son čilge ahte dat ruđat mannet lassigoluid máksimii ja dárbbašlaš ovdánahttinbargguide.
