-Almmuhus-
OĐĐASAT 1,5 miljovnna euro Suoma duohta­vuođa- ja soabadan­kommi­šuvdnii

1,5 miljovnna euro Suoma duohta­vuođa- ja soabadan­kommi­šuvdnii

-

-

Suoma stáhta bušeahttaárvalusas 2019 leat várren 1,5 miljovnna euro sámiid duohtavuođa- ja soabadanproseassa bargui Suomas.

Suoma stáhta ja sápmelaččaid gaskasaš duohtavuođa- ja soabadanproseassa mandáhtta lea almmustahttojuvvon. Sámediggi ja nuortalaččaid giličoahkkin galget gieđahallat ášši dán vahku mielde ja dohkkehit dan.

Almmustahtton evttohusas lea earret eará kommišuvnna bargogohčus, barggu ulbmilat ja barggut. Evttohusa mielde stáhtaráđđi ásaha kommišuvnna oktasašbarggus Suoma Sámedikkiin ja Nuortalaččaid siidačoahkkimiin.

Vihtta lahtu

Kommišuvnnas galget vihtta lahtu. Guovttis galgaba stáhtaráđi evttohusat, Suoma sámediggi evttoha guokte  ja Nuortalaččaid siidačoahkkin ovtta. 

Kommišuvdna galgá guorahallat mot historjjás leat dáhpáhuvvan kollektiiva boasttuvuođat nu go stádaid politihka ja suomaiduhttindáhpáhusat leat váikkuhan sápmelaččaide. Proseassa galgá veahkehit sápmelaččaid gieđahallat traumaid, maid sápmelaččat sihke álbmogin ja ovttaskas olbmot leat vásihan. 

Guokte jagi bargat

Kommišuvdna galgá dasto čállit raportta, mii geigejuvvo stáhtaráđđái, Sámediggái ja nuortalaččaid giličoahkkimii maŋimustá 30.11.2022. Seammasullasaš duohtavuođa- ja soabadanproseassat leat jođus Norggas ja plánat lea maid Ruoŧas ásahit dakkár kommišuvnna.  Nu čállá suoma Sámediggi iežaset neahttasiđđus. 

- Advertisement -
-Almmuhus-