Togavuojáhallamat jotket. Odne iđđes vuojáhalle fas bohccot, guokte miilla eret doppe gos mannan vahkkoloahpa vuojáhalle badjel 100 bohcco.
Togavuojáhallamat jotket. Odne iđđes vuojáhalle fas bohccot, guokte miilla eret doppe gos mannan vahkkoloahpa vuojáhalle badjel 100 bohcco.
Gaskavahkku iđida vuojáhalle fas bohccot togii. Gaskal logi ja vihttanuppelohkái bohcco vuojáhalle togii Trofors ja Eiterstrøn gaskka, dieđiha Bane Nor. Dán čálii VG álggos.
Mannan vahkkoloahpa vuojáhalle 106 bohcco togii guokte miilla eret doppe gos dál vuojáhalle.
Heahtečoahkkin johtolatministariin
Daid vuojáhallamiid oktavuođas lea sámediggepresideanta Aili Keskitalo bivdán heahtečoahkkima johtolatministariin Ketil Solvik-Olseniin.
Olsen lea dohkkehan su jearaldaga ja sudnos lea čoahkkin bearjadaga diibmu 12:00.
