Oktiibuot 15 053 olbmo leat dieđihan iežaset eret girkologuin mánnodaga rájes go rahppui vejolašvuohta interneahta bokte dahkat dan, dieđiha girku.
Oktiibuot 15 053 olbmo leat dieđihan iežaset eret girkologuin mánnodaga rájes go rahppui vejolašvuohta interneahta bokte dahkat dan, dieđiha girku.
549 olbmo dieđihedje iežaset girku miellahttun dán njealji beaivvis. Eatnasat celke eret girku miellahttuvuođa mánnodaga, go dan beaivvi ledje 10 854 olbmo geat celke eret miellahttuvuođa.
Dán jagis leat 24 278 olbmo cealkán eret miellahttuvuođaset girkus, ja 1369 olbmo leat dieđihan iežaset miellahttun.
Ráhkkanan dasa
– Mii leimmet ráhkkanan ahte ollugat soitet cealkit eret ja mii dohkkehit ahte olbmuin leat válljenvejolašvuođat. Mii váldit dáid signálaid duođalaččat. Min bargu ovddos guvlui lea ovdanbuktit risttalaš oainnu ja muitalit man dehálaš sadji girkus lea olbmuid eallimis, muitala Norgga girku bismmaráđi jođiheaddji Helga Haugland Byfuglien.
Girku buohkaide
– Mihttu digitála heiveheamis lea ahte olbmot oidnet ahte girku lea das sin ovddas. Norgga girkus leat 3,8 milliuvnna miellahttu, mii lea birrasiid 73 proseantta Norgga álbmogis. Buohkat geat leat gásttašuvvon ja háliidit gullevašvuođa girkui leat bures boahtimat, dadjá girkoráđi direktevra Jens-Petter Johnsen. (©NTB)
