Jan Olav Guttorm vuittii golbma vuoittu unna vuskkoniin.
Jan Olav Guttorm vuittii golbma vuoittu unna vuskkoniin.
Guovdageainnu báhčinsearvi lágidii nu go juohke jagi lávejit miessemánu 1.beaivvi oaggungilvvu Suohpatjávrris. Muhtin ráje ledje boahtán oaggut, muhto soittii dálki váikkuhan ahte eai boahtán nu ollu olbmot go muđui lávejit boahtit miessemánu 1.beaivvi gilvui.
Guollelihkku
Jus sáhttá gohčodit guollelihkkun, de lei goit Jan Olav Guttormas buoremus guollelihkku odne. Su vuggii dohppii vuoskku sullii diibmobeali maŋŋel go gilvu álggii. Manai guhkes áigi ovdal okta ge fas gesii guoli, muhto ii lean gal stuorát go dat 144 grámmasaš vuoskku mii lei ovddemus rutnis bajás. Ledje dušše dát guokte guoli mat dohppeje vuggii. Nils N. Turi vuittii unnimus guliin vuoittu mii lei cd-skearru. Jan Olav Guttorm vuittii golbma vuoittu, vuosttaš guoli ovddas lei cd-skearru, stuorámus guoli ovddas 10 000 ruvnno ja vel liigevuoittu maid gesse lihkkologuin guolledeattu mielde. Liigevuoittus lei árvu 2 300 ruvnno.
