-Almmuhus-
OĐĐASAT14 olbmo heavvanedje ovddit mánu

14 olbmo heavvanedje ovddit mánu

Journalista

-

-

Golggotmánus heavvanedje 14 olbmo Norggas, mii lea stuorimus lohku dán jagi. Olbmot geat leat olgoriikkas eret, leat 20 proseantta dán statistihkas dán jagi rádjái.

Dán jagi leat 85 olbmo heavvanan dán rádjái. Sis ledje 15 olbmo olgoriikkalaččat.

 

Evttoha oahpahit vuodjat

– Lea hui alla lohku go measta 20 proseantta ledje olgoriikalaččat geat heavvanedje. Mii diehtit ahte maid ahte ollugat sis geat bohtet Norgii leat turistaguolásteaddjit geain lea unnán máhttu fatnasiid ja dálkkiid birra Norggas. Dáppe ferte bidjat stuorát gáibádusaid sidjiide, lohká Gádjunfitnodaga gulahallanhoavda Frode Pedersen.

Son oaivvilda maid ahte vuojadanoahppu olgoriikalaččaide livččii sáhttán buoridit statistihka.

– Min ođđa ássiin Norggas váilu maid vuodjangelbbolašvuohta mii lea sivvan daidda ollu heavvanemiide. Mis lea guhkes mearragáddi, ja vuodjanoahpahus galggašii oassin leat integreremis árabut, lohká Pedersen.

 

Fanaslihkohisvuođat bajimusas

Telemárkkus ja Møre ja Romsdalas heavvanedje 13 olbmo dán jagi goabbat ge fylkkas dán rádjái. Hedemárkku ja Østfold fylkkain ii heavvanan okta ge.

Čiežas dain geat heavvanedje dán mánu ledje fatnasiin. Dán jagi leat 29 olbmo heavvanan fanas- ja kajahkkalihkohisvuođain. Nubbin eanemus heavvaneamit dáhpáhuvvet go olmmoš gahččá káijas čáhcái.

-Almmuhus-