-Almmuhus-
-Almmuhus-
OĐĐASAT 14 ođđa korona­pasieantta Norr­bottenis

14 ođđa korona­pasieantta Norr­bottenis

-

-

Ruoŧas lea ain oallugiin koronadávda, ja beaivválaččat duođaštuvvot ain ođđa pasieanttat.

Logut, mat ođasmahttojuvvot beaivválaččat gávcci áigge iđđedis, čájehit ahte Norrbotten leanas leat njealjenuppelohkái ođđa koronapasieantta ievttáža rájes. Oktiibuot leat leanas 1470 olbmos duođaštuvvon koronadávda. 

Logis buohcceviesus

Mannan vahkos isku 2926 olbmo Norrbottenis, ja 158:s dáin duođaštuvvui koronavirus. Juste dál dálkkoduvvot logi koronabuohcci buohcceviesus, ja njealjis dáin olbmuin ožžot intensiivadálkkodeami. Oktiibuot leat leanas 73 olbmo jápmán dan rájes go dávda bođii.

18s jápmán maŋemuš jándora

Preassakonferánssas ovdánbukte Ruoŧa dearvvašvuođaeiseválddit duorastaga gaskabeaivvi maŋemuš koronaloguid. Ođđa logut riikkadásis čájehit ahte gaskavahkku rájes leat 18 olbmo jápmán Ruoŧas koronadávdii. Odne, duorastaga, lea oktiibuot 74333 olbmos duođaštuvvon koronadávda olles Ruoŧas, 2470 olbmo ožžot intensiivadálkkodeami ja 5500 olbmo leat jápmán dan rájes dávda bođii riikii. 

- Advertisement -
-Almmuhus-