«Smittestopp»nammasaš áppa leat 1 411 000 olbmo juo viežžan.
Dál lea guhtta beaivve áigi go almmuhedje áppa, mii galgá veahkehit ráđđehusa doalahit bearráigeahču covid-19 doaibmabijuid ávkkis. Dan dieđiha Álbmotdearvvašvuođainstituhtta sin neahttasiidduin.
Bálvalus addá anonyma dieđuid gos joavkut mannet servodagas, vai oidnen ávkki doaibmabijuin. Áiggi mielde galget geavaheaddjit oažžut dieđu jus lea oktavuohta leamaš muhtumiin geas lea covid-19.
Dán rádjai lea 7 250 olbmo duođaštuvvon korona Norggas. Njoammunlohku maŋemus jándora lea 0,66. Dat mearkkaša ahte okta geas lea korona, njoammuda 0,66 olbmo. Álbmotdearvvašvuođainstituhtta dieđiha ahte jus lohku lea vuollel 1, de ii lassán njommonlohku.
