Skábmamánus jápme 13 olbmo Norgga johtolagas, čájehit gaskaboddosaš logut. Oktiibuot leat eanet olbmot duššan johtolagas dán jagi go diibmá, ja dál váruha Rusfri Trafikk gáibideaddji vuodjimis go dál rahpasa jagi huššaleamoš mánnu.
– Oallugiin leat olu doaimmat adveantaáiggis, muhto lea dehálaš muitit ahte ii galgga doamáhallat johtolagas. Dat sáhttá dagahit lihkohisvuođaid, ja danin ávžžuhit olbmuid vánddardit várrogasat geaidnoráigge, dadjá MA Rusfri Trafikk váldočálli Elisabeth Fjellvang Kristoffersen.
Dálki, dievva biilla gálvvut ja lassi johtolat maid sáhttet dagahit eanet lihkohisvuođaid juovlamánus. Jus galgá unnidit jápminlihkohisvuođaid, de fertejit buohkat váldit ovddasvástádusa ja jurddašit johtolatsihkarvuođa birra.
– Dát guoská maiddái promillavuodjimii. Norggas ii leat lihkus dohkálaš vuodjit gárrenoaivvis, muhto alkohola bissu varas guhkit go jáhkkit. Juovllaid juhkat eanet alkohola, ja danin lea stuorát riska ahte olbmot vudjet promillain. Danin lea min buohkaid ovddasvástádus váruhit ahte leat čilgosat ovdal go čohkkedit biilastivrrana duohkai, lohká Fjellvang Kristoffersen.
