Sámediggeráđđi juolluda 1,388 miljon ruvnno sámi musihka ja luđiid almmuheapmái.
Preassadieđáhusas dieđihuvvo ahte Sámediggeráđđi lea dán ohcanvuorus juolludan 11 doarjaga sámi musihkkii ja luđiide, ja ohcamiid ja juolludusaid gaskkas ledje buorit ja máŋggalágan šaŋŋerat. Juolludusaid ulbmilin lea ovddidit buori sámi musihka ollugiid várás. Dán jagi lea addojuvvon doarjja sihke ođđaáigásaš ja árbevirolaš sámi musihkkii.
– Sámi musihkka lea deaŧalaš ja áidnalunddot oassi min kultuvrras. Ohcamiin ja juolludusain oaidná ahte dáhpáhuvvá ollu mii lea gelddolaš dán suorggis. Ollu artisttain lea alla dássi, dadjá sámediggeráđđi Henrik Olsen preassadieđáhusas.
Earret eará lea addojuvvon doarjja albumii «Jovssai mu niegus» man Emil Karlsen lea dahkan. Karlsen lei Riddu Riđu nuorra artista 2019:s ja lea čalmmustahttán iežas čeahpes lávllačállin gelddolaš jietnagovaiguin ja buriin ilbmamiin.
Doarjja lea addojuvvo sihke ođđa ja ásahuvvon sámi artisttaide. Earret eará joavku Ozas, mas oappášguovttos Sara Marielle Gaup Beaska ja Risten Anine Gaup leaba duo. Amundsen Riverwood studio ja Bernt Mikkel Haglund leat maid ožžon doarjaga.
Earát geat ožžo doarjaga dán vuoru:
Eará prošeavttat mat ožžo doarjaga dán vuoru (Prošeavtta namma, ohcci ja doarjjasupmi)
«Ozas», Sara Marielle Gaup, 143 000 ruvnno CD-almmuheapmi Rieban, BM Haglund Musikkproduksjon, 147 000 ruvnno. «Raajroe», Marja Helena Fjellheim Mortensson, 105 000 ruvnno «Dá lea Lávre», Audioland AS, 101 000 ruvnno «Jovssai mu niegus», Karlsen kulturvirke, 136 000 ruvnno «Manne» – “manne”», Mano Music Herman Rundberg, 146 000 ruvnno «Sami Grand Prix cover 2020», DAT o.s, 140 000 ruvnnko Mánáidluohteskearru, Amundsen Riverwoods Studio, 120 000 ruvnno «Ondt Blod 3», Ondt Blod da, 120 000 ruvnno «Árbi/arv», Andreas Gundersen, 102 000 ruvnno «Elenfaccat 2», Amundsen Riverwoods Studio, 128 000 ruvnno
