-Almmuhus-
OĐĐASAT130 olbmo jápmán Ruoŧas ja 12 Dánmárkkus mannan jándora

130 olbmo jápmán Ruoŧas ja 12 Dánmárkkus mannan jándora

-

-

Ruoŧas dieđihuvvo ahte leat 130 olbmo maŋemus jándora jápmán koronaguoskevaš dillái.

Cuoŋománu 16. beaivvi rádjái leat 1333 olbmo Ruoŧas jápmán maŋŋel go leat ožžon duođaštuvvot koronanjoammuma . Oktiibuot lea 12 540 olbmos duođaštuvvon njoammun Ruoŧas, mii lea lassáneapmi 613 olbmuin.  

996 olbmo ožžot intensiivadivššu, almmuha Ruoŧa Álbmotdearvvašvuođaeiseváldi duorastaga. 

Dánmárkkus mealgat unnit

Maiddái Dánmárkkus leat mannan jándora jápmán 12 olbmo koronadávdda geažil. Dánmárkkus leat oktiibuot 321 olbmo jápmán koronadávdda dihte, čájehit logut maid Stáhta Serum Instituhtta lea duorastaga almmuhan. Dánmárkkus lea 6879 olbmos duođaštuvvon koronadávda.

(©NTB)

-Almmuhus-