-Almmuhus-
SMÁVVAOĐĐASAT13 olbmo jápme johtolagas

13 olbmo jápme johtolagas

View all posts Journalista

-

-

Olles geasis dušše 29 olbmo Norgga johtolagas. Jápminlihkohisvuođat leat lassánan diimmá ektui. 

Dássážii leat dán jagi jápmán 55 olbmo johtolagas, ja bealli badjel dáin dušše geasset. Oktiibuot leat 29 olbmo jápmán geassemánus, suoidnemánus ja borgemánus. Dáid searvvis leat maid mánát ja nuorat, ja dat vuorjašuhttá Trygg Trafikka. 

– Dán jagi leat eanet mánát ja nuorat jápmán johtolagas go buohtastahttá 2020. Dássážii leat 15 máná ja nuora gaskal 0-24 jagi jápmán johtolagas. Juohke jápminlihkohisvuohta lea suorggatlaš sihke bearrašii, ustibiidda ja báikegoddái. Mannan geasi dušše máŋga nuorra olbmo lihkohisvuođain, ja dat muittuha man rašši eallin sáhttá go vánddarda johtolagas, lohká Trygg Trafikk direktevra Jan Johansen preassadieđáhusas. 

Romssas ja Finnmárkkus lassánan eanemusat

Gaskamearálaččat leat eanemus olbmot jápmán johtolatlihkohisvuođain borgemánus 2011 rájes.

– Dán jagi jápme 13 olbmo borgemánus, ja dat lea lassáneapmi diimmá ektui go dalle jápme ovccis. Norggas gevvet jápminlihkohisvuođat dávjjimusat geasset, lohká Johansen. 

Buot fylkkain leat dán jagi leamaš jápminlihkohisvuođat. Romssas ja Finnmárkkus lea stuorámus lassáneapmi. Dássážii leat dán jagi jápmán gávcci olbmo johtolagas, diibmá jápme golmmas seamma áigodagas. 

– Romsa ja Finnmárku lea áidna fylka gos jápminlihkohisvuođat leat lassánan guhkit áigge badjel, ja lea hirbmat vuorjašuhtti jus ná joatká, loahpaha Johansen. 

-Almmuhus-