Lea earenoamáš hálbbes elrávdnji Davvi-Norggas dáid áiggiid. Man hálbi dat duođaid lea, dan oaidná go buohtastahttá Lulli-Norgga elrávdnjehattiiguin.
Go dákkár báhkat šaddet, dalle ii leat várra nu dárbu Davvi-Norggas šat liekkadit viesuid. Sáhttá baicca nu ahte atnet elrávnnji eanet viesu čoaskudeapmái dál.
Ovttaládje oažžu lohkat ahte davvinorgalaččat ožžot buriin oamedovdduin čoaskudit viesuid, goit jus geahččá dušše elravdnjehaddái.
Ikte šattai gaskamearálaš elrávdnjehaddi 2,15 evrre kilowattas, jus geahččá olu Spotmárkanis lei haddi.
Jus buohtastahttá dainna olu spotmárkanis mávssii oarjjit Lulli-Norggas, de doppe mávssii ikte 273,39 evrre okta kilowatt elrávdnji, mii lea 2,73 ruvnno.
Dat lea de 127 geardde divraset go maid elrávdnji máksá spothaddái Davvi-Norggas. Jus geahččá earaládje, de lea 12 615 proseantta divraset elravdnjii Lulli-Norggas go Davvi-Norggas.
Ikte, geassemánu 28. beaivvi, lei gaskamearálaš haddi ná:
Davvi-Norggas: 2,15 evrre
Gaska-Norggas: 2,69 evrre
Oarje-Norggas: 195,51 evrre
Nuorttit lulli-Norggas: 195,51 evrre
Oarjjit Lulli-Norggas: 273,39 evrre
Dieđut: Ishavskraft.no