Norgga árktalaš universitehtamusea rahpá čájálmasa juovlamánu 1.beaivve, mas čájehit Hilssáin-álbmoga dávviriid.
1200 jagi áigi hávdádedje ovtta dievdoolbmo ja nissonolbmo Hilssáide, Romssa fylkkagielddas. Čábbámus gárvvuiguin ja dávviriiguin biddjuiga fuolalaččat goabbat fatnasii. Dainna lágiin oidne buohkat ahte soai leigga dehálaš olbmot, dehálaš sogain.
– Hávddiin ledje gávdnosat mat eai leat dábálaččat norrøna hávddiin. Jus leigga hávdáduvvon sámi gálvolágideddjiin davvin ja davviriikalaš gávpeoasálaččain lulde, de leigga fámolaš olbmot, čállo Norgga árktalaš universitehtamusea čájáhusa bovdehusas.
Gávdnosiin muitalusat
Dákterikkit, fatnasat ja dávvirat ledje erenoamáš čavdásat, ja sáhttet oahpahit olu. Gávdnosat muitalit muitalusaid hávdáduvvon olbmuid doaimmaid ja oktavuođaid birra. Dutkit iešguđet fágasurggiin atnet máŋggalágan vugiid gávnnahit eanemus lági mielde dan guoktá birra, sudno eallima ja dan servodaga birra gos eliiga.
Čájáhusa rahpaba June Nordheim, gean eatnamis hávddit gávdnojedje, ja prošeaktajođiheaddji Anja Roth Niemi, guhte jođiha roggama.
